E plagosura e aksidentit në Pogradec-Qafë Thanë raportohet se është këshilltarja e ministres së Shëndetësisë, Ogerta Manastirliu.
Sipas raportimeve mediatike, aaksidenti ku janë përfshirë makina të zyrtarëve të qeverisë ka ndodhur rreth mesditës së sotme në aksin rrugor Pogradec-Qafë Thanë, pranë fshatit Memlisht. Dy automjetet janë përplasur dhe për pasojë është dëmtuar pasagjerja e njërit nga mjetet me detyrë këshilltare e ministres së Shëndetësisë Ogerta Manastriliu. Policia njofton se ajo po transportohet në Tiranë, për mjekim më të specializuar.
Raportohet se vajza po shkonte në mbledhjen që kryeministri Rama po zhvillon me kryebashkiakët e Pogradecit.
“Rreth orës 11:30, në aksin rrugor Pogradec-Qafë Thanë, pranë fshatit Memlisht, Pogradec, janë përfshirë në një aksident rrugor, mjeti tip “Benz” me drejtues shtetasin G. B., 25 vjeç, me mjetin tip “Volksëagen” me drejtues shtetasin F. B., 40 vjeç. Për pasojë është dëmtuar pasagjerja në mjetin tip “Volksëagen”, shtetasja E. K., e cila do të transportohet në Tiranë, për mjekim më të specializuar. Me dy drejtuesit e mjeteve po kryen veprimet e mëtejshme procedurale. Grupi hetimor po punon për sqarimin e rrethanave dhe përcaktimin e shkakut të aksidentit“, njoftoi policia për aksidentin, pa specifikuar detaje të tjera.
