Prefekti i Qarkut të Durrësit lajmëron se zjarri tek Gjiri i Lalëzit vazhdon që të jetë aktiv.
Në njoftim, thuhet se janë djegur në total 10 hektarë pyje në këtë zonë.
Njoftimi i policisë:
Institucioni i Prefektit të Qarkut Durrës
Sektori i Planifikimit, Përballimit të Emergjencave Civile dhe Krizave
Në vijim të raportimit për situatën emergjente nga ana e M.Z.Sh Durrës na komunikohet për riaktivizim të një vatre në Gjirin e Lalzit, Njësia Administrative Ishëm. Aktualisht po punohet me 1 mjet zjarrifikës, 4 efektivë zjarrfikës të M.Z.Sh Durrës.
Nuk ka rrezik për banesat, pasi distanca është e konsiderueshme.
Në fshatin Shetaj, Njësia Administrative Ishëm vazhdojnë të jenë aktive vatrat. Zjarri është duke u favorizuar edhe nga era.
Sipërfaqja e djegur arrin deri tani afërsisht 10 ha pyje.
*Administratori i Njësisë Administrative Ishëm sapo kërkoi pranë Institucionit të Prefektit mbështetjen nga ana e AKMC pasi është e pamundur neutralizimi i zjarrit në fshatin Shetaj*
