Inxhinieri i sigurisë, Besmir Semanaj, ka qenë i ftuar në emisionin “Të Paekspozuarit” në MCN TV, ku foli për sulmin kibernetik ndaj Shqipërisë.
Semanaj tha se aryse pse të gjithë shërbimet u ndërprenë, është fakti se ato janë të gjitha të centralizuara në e-albania.
Ai thotë se në përgjithësi, sulme të kësaj natyre nuk bëhen nga hakera të rëndomtë, sepse kërkojnë shumë para.
“Sulmet në vitet e fundit, sidomos pas fillimit të luftës në Ukrainë, janë shtuar në të gjithë vendet e NATO-s dhe BE. Kemi shtim të sulmeve .
U përmendën shumë firma dhe biznese, të gjitha kanë bërë implementimin e sistemeve, ndërsa mbrojtja është tërësisht përgjegjësi e AKSHI. Nuk kemi firmë shqiptare që merret me sigurinë, është përgjegjësi shtetërore.
Pra, punonjësit që merren me krimin kibernetik janë punonjës të shtetit shqiptar.
Një sulm i cili rrëzon të gjithë shtetin, që ra shteti elektronik, nuk kemi, por pjesë të caktuara që dalin nga funksioni.
Dalja totale në Shqipëri, ka ardhur për një shkak, sepse i kemi të gjtiha të centralizuara te e-albania.
Ai që është prekur është ndërfaqja e këtyre sistemeve me qytetarin.
Pjesa më e madhe e shërbimeve janë kthyer, por siç e thanë kolegët, nuk kemi një analizë ose deklaratë teknike mbi të cilën mund të flisnim dhe të kuptonim nga erdhi sulmi, cfrë dëmtoi dhe cilat janë dëmet reale.
Do të ishte një dëm shumë i madh, nëse një nga sistemet qëndrore, të ishte dëmtuar. Në momentin që kemi infektim me ransomware, që përflitet nga specialistët, ajo bën enkriptimin. Personat mund të kenë marrë edhe të dhënat.
Sulme të tilla ndaj shteteve, nuk kryhen thjesht nga hakera të caktuar, për dy arsye. Shtetit nuk mund ti vendosësh gjobë, sepse nuk mund të të paguajë gjobë shteti.
Kërkojnë infrastrukturë gjigande dhe kushtojnë. Duke qenë se kushtojnë dhe janë ndaj institucioneve, besoj se është sulm i organizuar nga fuqi që nuk e duan Shqipërinë”, tha Semanaj.
