Arbër Çekaj, dënuar për trafikimin e 613 kilogramë kokainë, i ka bërë kërkesë Ministrisë së Drejtësisë, që të mund të marrë trajtim mjekësor.
Pronari i “Arbri Garden” Arbër Çekaj dyshohet si i përfshirë në trafikun e 613 kg kokainëve, sasi kjo e cila u kap në Maminas në fund të shkurtit të 2018.
Droga ishte fshehur në kontenierin e bananeve, ku prorësitës ishte Çekaj.
Nga hetimet e krimeve të Rënda rezultoi se 40-vjeçari ishte larguar nga Shqipëria 3 javë para se të sekuestrohej kokaina.
Ai u shpall nga Policia e Shtetit në kërkim ndërkombëtar dhe u prangos më vonë për t’u ekstraduar nga Gjermania.
Për sasinë rekord të kokainës, u arrestua Armando Pezaku, i cili ishte shoferi i kamionit, që transportoi kontenierin ku ishte fshehur droga nga porti i Durrës drejt Maminasit.
Në pranga përfundoi edhe menaxheri i “Arbri Garden” Donaldo Lushaj. Sipas Policisë së Shtetit, nëse 613 kg e kokainës do të hidhej në treg, ajo do të kapte vlerën e 180 milionë eurove.
