Përplasje në Kuvend mes kryeministri Edi Rama dhe ish-kryeministrit Sali Berisha.
Nga foltorja e parlamentit, Rama hodhi akuza të forta ndaj opozitës dhe kreut të PD-së, duke i kujtuar edhe njëherë shpalljen “non grata” nga SHBA. Rama tha po ashtu se nuk reaguan për burgosjen e Hashim Thaçit.
Në një moment, ish-kryeministri Sali Berisha u ngrit nga ulësja në parlament dhe u drejtua drejt kryeministrit Edi Rama. Teksa i afrohej, punonjësit e gradës u vendosën mes tij dhe kreut të qeverisë.
“Nuk ke turp. O i pafytyrë. O Burracak, i paerë, o i panderë. Të ka çmendur 7 Korriku”, iu drejtua Berisha-Ramës.
Berisha nisi të flasë më pas në foltore, por kryetarja e Kuvendit i mbylli mikrofonin. Ishte deputeti demokrat Tomorr Alizoti, sipas Nikollës, ai që duhet të merrte fjalën. Ky i fundit vendosi t’ia kalojë minutat në dispozicion Berishës.
“Së pari edhe njëherë dua të theksoj se kur djemtë e Kosovës flijonin jetën dhe derdhnin gjakun, kur Adem Jashari shndërroi Prekazin në Krujë të vërtertë, parafolësi i dekonfiruar dhe i shndërruar në një pacient të pa kururar shiste ikona të vjedhura dhe spiunonte emigrantë në Paris. Shiste ikona të vjedhura, e ka thënë Fatos Nano, është deklaratë e tij”, e nisi Berisha fjalën e tij, duke iu referuar Edi Ramës.
Sipas Berishës, edhe pas burgosjes së Thaçit qëndron Edi Rama.
Përsa i përket arrestimit të Hashim Thaçit, dua t’ju them sot të vërtetën.
“Në procesin e arrestimit të Hashim Thaçit qëndron një trinom Kremlin-Beograd-Tiranë. Ky e mori dhe e futi Hashim Thaçin në spiralet e ndrhyshimit të kufijve në Ballkan. Ky e mori Hashim Thaçin të shtrëngonte duart me Putinin, bashkë me Ymerët dhe Klosët e tij. Janë burime shpifjesh të pafundme. Edi Rama, në një spirale futi udhëheqjen politike të Kosovës, e cila në mënyrë absolute ndikoi në procesin e arrestimit të tyre”, tha Berisha.
“Unë do të diskutoj më vonë për të gjithë të vërtetat e raportit të Dick Marty, për të gjitha të vërtetat e hetimeve. Çdo gjë është në dokumente. Por ky që do të bëhet tani patriot bashkë me Baton Haxhiun janë dy promotorët e arrestimit të udhëheqjes politike të Kosovës. Këta ndërmorën fushatën, për anulimin e asgjësimit të Gjykatës Ndërkombëtare, gjë e cila tregonte indirekt se po përpiqej për të fshehur fajësitë që nuk ekzistonin. Prandaj hidhet dhe kërcen këtu sepse e di që në çdo variant del thjeshtë një argat dhe vasal i Aleksandar Vuçiç. Sepse e di që në çdo samit është i damkosur si argat i tij, jo për Kosovën, përkundrazi, por për planet e Vuçiçit, përpiqet në çdo samit t’i bëjë retushim. Por këto janë njëri aspekt. Aspekti tjetër është 7 korriku. Kurrë s’e kemi parë në këtë platformë të shkonfiguruar, të shpërfytyruar siç doli kësaj here. Qëndrimi ynë është padiskutim ai që ka qenë gjithmonë dhe unë e kam shprehur dhe do ta shpreh, jo këtu, në OKB, në Parlamentin Europian, në Këshillin e Europës”, shtoi kryetari i PD.
