Kryeministri Edi Rama në konferencën e përbashkët me Komisionerin e Bashkimit Europian për Zgjerimin dhe Fqinjësinë, Oliver Varhelyi dhe ministrin e Punëve të Jashtme të Republikës së Çekisë, Jan Lipavsky, u pyet nga gazetarët se pse në delegacionin që shkoi në Bruksel mungonin përfaqësues nga opozita.
Rama tha se formati ishte caktuar nga Komisioni Europian, e megjithatë ai nuk bëri përpjekje për ta ndryshuar, pasi sipas tij nuk dinte se cilës prej opozitave t’i drejtohej, duke marrë parasysh përplasjet në PD.
“Ishte një format i sjellë nga Komisioni, mund të kishim kërkuar të shtonim përfaqësues nga opozita, por ne nuk e dimë se kush është kush në anën e opozitës’, tha Rama.
Ndërkohë që hidhur i erdhi pyetja se sa do të presë Shqipëria për anëtarësimin komisionerit Varhelyi, i cili tha se nuk shihte vend me paralelizmin e hequr nga gazetari për rastin e Turqisë.
“Parashikimi kohor është përtypje e zakonshme e gazetarisë, por një pyetje do të kishte kuptim, sa herë që Shqipëria është gati për të lëvizur me shpejt, ne do të lëvizim më shpejt, sa më shpejt që të jetë e mundur”, tha komisioneri.
