Ish-ministri i Jashtëm, Edmond Panariti, komentoi në Syri Tv çeljen e negociatave të Shqipërisë për anëtarësimin në BE.
Panariti deklaroi se tashmë kemi një lajm të mirë pas shumë festimeve fiktive të qeverisë së Ramës, ndërsa shtoi se do të kemi një proces të gjatë përpara.
Panariti theksoi se kryeministri Edi Rama që në vitin 2011 ka bllokuar negociatat e Shqipërisë me Bashkimin Europian duke mos votuar tre ligje që ishin kërkesë e Komisionit Europian.
“Prej vitit 2006 kanë kaluar 16 vite, vende që e kanë filluar këtë proces shumë më vonë, janë më të avancuar se ne.
Rama në 2011 i bëri procesit të marrjes së statusit të vendit kandidat, duke mbajtur peng votimin e tre ligjeve që ishin kërkesë e Komisionit Europian që Shqipëria të merrte statusin e vendit kandidat.
Isha ministër i Jashtëm në pozicion delikat, dhe i thoja ndërkombëtarëve që po bëj të pamundurën për të arritur një konsensus.
Janë 35 kapituj që do të duhet të negociohen, kemi një proces të gjatë përpara. Kemi kaluar në një proces të stërmundimshëm, kemi autopenalizuar veten tonë për shkak të agjendës personale politike të forcave politike, përpara integrimit të vendit.
Procesi ka qenë në risk. U ushtrua presion pozitiv mbi Bullgarinë e Maqedoninë e Veriut që të zgjidhej ngërçi për fillimin e negociatave.”-deklaroi Panariti.
