Këshilli i Lartë i Prokurorisë ka humbur disa anëtarë prokurorë për shkak të procesit të vetingut, por kjo është hera e parë që drejtuesi i institucionit akuzon Kolegjin, një dhomë e Gjykatës Kushtetuese, për gabim në vendimmarrje.
Kreu i Këshillit të Lartë të Prokurorisë, Alfred Balla komentoi një vendim të Kolegjit të Posaçëm të Apelimit për shkarkimin e kolegut të tij në Këshill, Ludovik Dodaj dhe e konsideroi atë një “gabim që s’duhej bërë” përmes një statusi në rrjetin social.
Postimi shoqërohet me një foto të anëtarëve të KLP-së, përfshi zotin Dodaj, ndërsa Balla shkruan: “u largua nga sistemi dhe nga Këshilli një mik, profesionist dhe njeri i mirë”.
Në përgjigje të njërit prej komenteve nën këtë postim, Balla shkruan: “nga gabimet që s’duheshin bërë për largimin e një prokurori të tillë”.
Këshilli i Lartë i Prokurorisë ka humbur disa anëtarë prokurorë për shkak të procesit të vetingut, por kjo është hera e parë që drejtuesi i institucionit akuzon Kolegjin, një dhomë e Gjykatës Kushtetuese, për gabim në vendimmarrje.
Komentet të ngjashme ndaj vendimeve gjyqësore në Shqipëri, kryesisht nga rradhët e politikës dhe me qëllim ndikimin e drejtësisë, nuk janë të rralla, por Balla është drejtues i një prej institucioneve më të rëndësishme të qeverisjes së sistemit të drejtësisë në vend.
Vendimi i Kolegjit që solli shkarkimin e Dodajt u mor më 14 korrik, por arsyetimi nuk është zbardhur ende nga KPA. /BIRN/
