Dyqani i një kompanie celulare është grabitur në Durrës. Policia bën me dije se janë marrë më forcë 450 mijë lekë të vjetra. Autori është identifikuar dhe shpallur në kërkim.
“Specialistët për Hetimin e Krimeve në Komisariatin e Policisë Durrës kanë shpallur në kërkim shtetasin Sh. Z., 28 vjeç, banues në Shijak, pasi është futur në dyqanin e një kompanie celulare dhe i ka marrë me forcë shitëses, 45.000 lekë”, njoftoi policia.
Po punohet për kapjen e tij, ndërsa materialet i kaluan Prokurorisë, për veprime të mëtejshme, shtuan të njëjtat burime.
