Gazetari Enton Abilekaj, përmes një postimi në rrjetet sociale, shprehet se tashmë Edi Rama nuk mundet më të justifikohet lidhur me ecurinë e procesit të integrimit.
Referuar mundësisë për hapjen e negociatave mes Shqipërisë dhe BE, Abilekaj shkruan se kapitujt diskutohen në bazë të specifikave të çdo vendi dhe në këtë proces Edi Rama nuk ia vë dot fajin as Hollandës, as Francës, as Bullgarisë.
“Në këtë proces nuk gënjen dot shqiptarët me Keshillim Kombëtar për tu ndarë nga Maqedonia e Veriut. Nëse do mbetemi mbrapa, nuk thotë dot me as “fajin e ka Saliu”. Pas një viti do kuptohet se kush e ka fajin, për 8 vjet bllokim dhe për ecurinë në vazhdim”, shkruan ai.
Por sipas Abilekajt ka dy çështje që mbeten pezull gjithsesi: meqë pyeti Vuçiç për Samitin e Qershorit, çfarë mendon presidenti i Serbisë, sot? E dyta, tani që hapen negociatat çfarë ndodh me Amnistinë fiskale dhe legalizimin e hashashit?
Postimi nga Enton Abilekaj
Rama që bllokoi 3 vjet statusin e vendit kandidat për kryetarin e qarkut të Fierit, tani bën moralin e bllokimit për çështje që, siç u pa, kishin nevojë për një marrëveshje.
Tani do ndahemi nga Maqedonia. Me fillimin e negociatave, kapitujt diskutohen në bazë të specifikave të çdo vendi. Në këtë proces Edi Rama nuk ia vë dot fajin as Hollandës, as Francës, as Bullgarisë. Në këtë proces nuk gënjen dot shqiptarët me Keshillim Kombëtar për tu ndarë nga Maqedonia e Veriut. Nëse do mbetemi mbrapa, nuk thotë dot me as “fajin e ka Saliu”. Pas një viti do kuptohet se kush e ka fajin, për 8 vjet bllokim dhe për ecurinë në vazhdim.
Ka dy çështje që mbeten pezull gjithsesi: Meqë pyeti Vuçiç për Samitin e Qershorit, çfare mendon presidenti i Serbisë, sot? E dyta, tani që hapen negociatat çfarë ndodh me Amnistinë fiskale dhe legalizimin e hashashit?
