Kur kanë kaluar më shumë se dhjetë orë nga ngjarja e rëndë në Fushë-Krujë, ku mbetën të vrarë tre djem të rinj, Drejtori i Policisë së Shtetit Gledis Nano ka mbledhur vartësit e tij në Durrës e Tiranë.
Nuk ka asnjë gjurmë për autorët e dyshuar, edhe pse ngjarja e rëndë ndodhi në mes të ditës dhe në një zonë ku trafiku ka qenë tepër i rënduar.
Të dhënat për ngjarjen kanë qenë të shumta, por asgjë deri tani nuk dihet zyrtarisht se cilët janë autorët dhe kush ka qenë objektivi i tyre mes tre djemëve , të cilët sipas të dhënave të policisë kanë qenëme precedent të mëparshëm penal.
Policia e Shtetit ka vënë në dispozicion 3 milion lekë të reja për çdo informacion të vlefshëm, që sipas saj do tëçonte në gjetjen e autorëve të dyshuar.
Njoftimi
Në kuadër të veprimeve që strukturat hetimore të Policisë së Shtetit po kryejnë në bashkëpunim me Prokurorinë e Rrethit Gjyqësor Krujë dhe agjencitë e tjera të zbatimit të ligjit për zbardhjen e ngjarjes së ndodhur në Fushë Krujë ku mbetën të vrarë me armë zjarri tre shtetas, si dhe në zbatim të detyrave të lëna nga Drejtori i Përgjithshëm i Policisë së Shtetit Gledis Nano gjatë takimit me krerët e DVP Durrës e Tiranë dhe të Departamentit të Policisë Kriminale, për zbardhjen sa më parë të ngjarjes, grumbullimin e informacionit nga qytetarët apo dëshmitarët që mund të kenë parë ngjarjen apo kanë dijeni për autorët, ju informojmë se:
Policia e Shtetit ka vënë menjëherë në dispozicion për çdo informacion të vlefshëm që do çojë në zbardhjen e ngjarjes, 3 milionë lekë të rinj.
Cilido që ka informacion të vlefshëm ta dërgojë në numrin e telefonit 069 41 10 853, i cili ka të disponueshëm edhe aplikacionin ËhatsApp, duke ju garantuar anonimat të plotë dhe të sigurtë.
Policia e Shtetit fton qytetarët që të bashkëpunojnë me strukturat policore në interes të rritjes së parametrave të rendit e sigurisë dhe të parandalimit të ngjarjeve kriminale që cënojnë jetën dhe pronën e qytetarëve.
