Nga kontenieri me banane, ku janë ngritur dyshime se ka pasur lëndë narkotike, mungojnë rreth 50 arka.
Policia njoftoi arrestimin e 20 personave, 16 prej të cilëve janë punonjës të sigurisë së Portit të Durrësit, të cilët akuzohen për shpërdorim detyre dhe “thyerja, heqja, zëvendësimi i shenjave të sigurisë së autoriteteve doganore”.
Sipas raportimeve, në kontenierin me banane dyshohet se ka pasur ndërhyrje duke marrë rreth 50 arka, ndërkohë që më parë ky kontenier nuk kishte kaluar procedurat, përfshi edhe skanimin, procedurë kjo që ndodh në çdo rast të ngjashëm.
Policia tha se po heton lidhur me ngjarjen, ndërsa pritet ekspertimi i kamerave të sigurisë për të hedhur më shumë dritë mbi atë se çfarë ka ndodhur.
