Gazetari Erjon Skëndaj tha në studion e lajmeve të MCN Tv se për shkak të evoluimit të variantit Omicron vaksinat aktuale do të dalin jashtë loje.
Duke vijuar shpjegimin e tij, Skëndaj tha se paneli i FDA ka rekomanduar që në shtator të mos përdoren vaksinat me të cilat operohet tani pasi imuniteti që ato ofrojnë kapërcehet nga varianti BA.4 dhe BA.5.
Skëndaj tha më tej se denoncimi i Berishës për vaksinat antiCovid duhet të jetë një alarm për institucionet dhe se qeveria ka klasifikuar sekret shtetëror çdo gjë që ka lidhje me pandeminë.
“Virusi po evoluon aq shpejt saqë vaksinat do të dalin jashtë loje për shkak të evoluimit të Omicron BA.4 dhe BA.5. Mundësia për të kapërcyer mbrojtjen e vaksinën virusi BA.4. BA.5 e kalon lehtësisht.
Është një alarm i madh sepse ky është dokumenti i parë që ne shohim sepse qeveria dhe ministria ka klasifikuar sekret shtetëror çdo gjë që ka lidhje me pandeminë. Deklarohen ato që thotë qeveria dhe jo situatën në spitale. Nuk ka transparencë.
Sekret shtetëror janë dhe kontratat me Pfizer dhe thashë ky është dokumenti i parë dhe është flamur i kuq që duhet të ngrejë në alarm institucionet. Nëse ky dokument ka rënë në dorë të opozitës nuk përjashtohet se ka pasur shtyrje të datës së skadencës edhe herë tjetër.
Vaksinat kanë një kohë skadence. Vaksinat e gripit përdoren për 6 muaj, në sezonin e tjetër nuk përdoret më se virusi modifikohet. Omicron është modifikuar mbi 30 herë. Çfarë efikasiteti pritet.
Paneli i FDA ka rekomanduar që në shtator të mos jenë këto vaksina tani sepse kapërcehen nga BA.4 dhe BA.5 dhe pa përmendur variantin e fundit. Kur FDA ngre këtë alarm, vaksinat e vjetra të mos përdoren. Ne kemi ato vaksinat e vjetra ato të Whanit. Ne kemi ende variantin e vaksinave të zhvilluara në bazë të virusit të parë. Bota po aplikon vaksina në bazë të virusit BA.1.
Viruset e reja janë mjeshtre të kapërcimit të imunitetit të vaksinave që po veprojnë. Bota ka aplikuar dhe vaksina të gjeneratës së re. Ne kemi vaksina të vjetra, që dalin që janë të skaduara dhe duan t’i shtojnë dhe datën.
FDA thotë që në shtator të shkojmë në vaksina të reja.
Kujt do i duhet 1.5 milionë vaksina kur FDA thotë nuk kanë efekt për atë punë që duhet të bëjnë”, tha ai.
Skëndaj thotë me tej se pas një muaj situata e Covid në Britaninë e Madhe do të reflektohet në Shqipëri dhe se shkalla e infektimeve është në majë. Duke shpjeguar më tej, Skëndaj tha se simptomat e variantit të ri nuk janë më humbja e nuhatjes dhe e shijes, por është kryesisht dhimbja e fytit.
“Në spitalet tona , në 14 ditë nga 1-14 korrik, janë bërë mbi 26 mijë teste, shkalla e pozitivitetit është 43%, dmth. në dy teste njëri del i infektuar. Shkalla e infektimit është në maja. Me 30 % në shkurt të 2021 ndodhnin 21 vdekje në spitale, por shifra ishte 3-4 herë më e lartë. Ne kemi një boom të madh infektimesh, nuk e di nëse e kemi pas më të lartë se kaq, në spital kemi vetëm 30 persona. Numri i madh i infektimeve nuk shprehet në shtrime spitalore dhe vdekje. Nga 1-14 korrik kemi vetëm 17 vdekje, kemi 8 raste aktive. Duke ditur që ky virus evoluon shumë shpejt, nëse jep komplikacione i jep menjëherë, shumohet më shpejt, është më infektues se variantet. Qeveria nuk ka dalë me deklaratë zyrtare për BA.4 DHE 5. Ne i kemi zbuluar viruset 2 muaj me vonesë, ne nuk kemi laboratorë.
1/15 britanikë është me Covid, sot ka më pak vdekje se 1 javë apo 2 javë më parë.
Ajo që sot po ndodh në Britaninë e madhe do të ndodhë në Shqipëri pas një muaji.
Do të vijojë rritja e infektimeve. Mjekët britanikë thonë që nuk ka pse të alarmohen njerëzit vdekshmëria është shumë e ulët.
Një mjeke në studimin e ECDC, thotë se aftësia e Omicron për arratisje imune është dramatike dhe bazuar në profilin e tij duhet të quhet SARS COV 3. I shpëton imunitetin natyror dhe imunitetit që krijon vaksina. Shenja kryesore nuk është humbja e shijes por dhimbja e fytit, dhimbja e kokës, hundët e bllokuara, kollë pa sekrecione. Humbja e nuhatjes është vetëm 13%.
Në mos bëjnë blerje të nxituara në emër të Covid. Virusi po evoluon. Qeveria e paska zgjedhur zgjidhjen, me një shkresë shtyn afatin”, shprehet gazetari.
