Kryetari i Partisë Demokratike, Sali Berisha u shpreh këtë të Premte se listën e personave që hetonte OFL e bëri kryeministri Edi Rama me qëllim gjobëvënien.
Sipas Berishës, tha se nisma e OFL-së nuk goditi klanet e fuqishme kriminale në vend, duket përmendur “klanin Xhafaj”.
“Ai ka vënë në krye të PS-së trafikantë, vrasës, njerëz që kanë qëlluar dhe plagosur të tjerët. A mund t’i besosh atij? Ai i quan burra të mirë ata. Po ç’është OFL-ja. OFL-ja është lista që i jep Rama policisë për t’i prerë gjobën. Preku gjë OFL-ja pronat e klanit Xhafa? Klani Xhafaj është i faktuar. Unë mund të jap dhe shembuj të tjetër”, theksoi Berisha në konferencën e përjavshme për gazetarët nga selia blu.
Ai u shpreh po ashtu se amnistia fiskale, nismë e qeverisë, ka për qëllim legalizimin e parave të përfituara nga aktivitete kriminale.
“Ajo nuk ka asnjë tjetër vetëm legalizimin e parave të tyre. Janë me qindra persona që janë marrë me trafiqe kriminale dhe nuk janë të zbuluar. Nuk mund ta bëjë Shqipëria këtë. A ka mundësi që një person me punë të ndershëm të bëjë 2 milionë euro? Kurrë! Ky e ka vetëm me krimin. Është pa asnjë diskutim. Shkaku që nuk na i kanë hapur negociatat ka qenë krimi”, tha Berisha.
