Shefi i Organizimit në Partinë Demokratike, Klevis Balliu, komentoi në edicionin e pasdites me Armela Ferkon në Syri Tv amnistinë fiskale. Balliu deklaroi se Rama është kryetar i krimit të organizuar në Shqipëri dhe kërkontë pastrojë paratë që i ka vjedhur qytetarëve.
“Amnistia nuk bëhet për Shqipërinë dhe shqiptarët, por për paratë që i janë vjedhur qytetarëve shqiptarë. Gjithë këto afera korruptive, si kjo e inceneratorëve, ato para diku kanë shkuar.
Ato para kanë shkuar disa në xhepin e Ramës, disa tek Veliaj dhe disa të tjera ne xhepat e ministrave të tjerë.
Këto para Rama kërkon t’i legalizojë, do të amnistojë çdo para të padeklaruar, që të ketë mundësinë t’i vëri në funksion. Ka të bëjë me pastrimin e parave të tij.”-tha Balliu.
Ndër të tjera Balliu tha se ka një lidhje politike dhe ekonomike mes Ramës për interesa të shumta edhe elektorale me krimin e organizuar dhe me amnistinë kërkon t’iu kthejë borxhin duke pastruar paratë e tyre dhe duke amnistuar të gjithë krime te tyre.
“Këto para, një pjesë e mirë do i vijnë përsëri Edi Ramës. Përfiton Edi Rama, një ligj për të pastruar paratë e krimit të organizuar ku kryetar është Edi Rama. Ai i drejton këta.”-tha Balliu.
Më tej Klevis Balliu u shpreh se kryetari i Partisë Demokratike, Sali Berisha, e ka futur Ramën në panik total.
“Rikthimi i Berishës e ka futur në panik total. Vendimet Rama i merr nën panik, do të marrë sa më shpejt paratë dhe t’i vendosi në funksion për të vjedhur e blerë votën. Një njeri në panik merr vetëm vendime të gabuara.
Koha kur opozita mund të mbyllte gojën për interesa apo përqindje në afera ka iku, me këtë lidership të ri, nuk ka shqiptar që nuk e di se ky lidership as nuk shitet e sa nuk blihet.
Berisha dhe opozita e vërtetë sot që mblodhi shqiptarët më 7 korrik në shesh, riktheu dinjitetin vendit dhe shoqërisë për të reaguar ndaj vjedhjeve të pafunde, janë arsyet pse Rama sot është në panik.”-tha Balliu.
