Vijon ende misteri për skandali me 3.4 milionë euro cash, të sjella në Shqipëri nga Belgjika me “Toyota Yaris”. Ndonëse kanë kaluar katër vite, ngjarja vijon të mbështillet nga misteri, ndërsa hetimet janë të shtrira mes dy vendeve, Shqipërisë dhe Belgjikës. Mediet belge shkruajnë sot se për të zbuluar të vërtetën Belgjika ka bërë kërkime të gjera, në të dyja vendet. Hetuesit belgë udhëtuan në fillim të këtij viti drejt Shqipërisë, për të mbledhur prova, por edhe për të pyetur dëshmitarë.
PJESË NGA ARTIKULLI:
Një gjetje misterioze u bë në Durrës! Brenda një makine u gjetën 3.4 milionë euro cash në dyert e një Toyota të vjetër, çështje që ende nuk është zbardhur plotësisht pas katër vitesh. Paratë u gjetën në një qytet port shqiptar, por ishin fshehur në një makinë të vjetër të përdorur nga vendi ynë. Për misterin është kryer një kërkim i gjerë si në vendin tonë ashtu edhe në Shqipëri. Një zëdhënës i prokurorit federal konfirmon për HLN se hetuesit nga vendi ynë udhëtuan drejt Shqipërisë në fillim të këtij viti për të marrë në pyetje njeriun që dha njoftimin vendimtar, duke lejuar policinë të gjente paratë. Edhe pse ai informator nuk është i pari. Bëhet fjalë për Lulzim Bashën, ish-ministër i Jashtëm i Shqipërisë dhe ish-lider i opozitës. Rasti nisi rreth katër vjet më parë, kur një belg vendosi për shtije Toyota-n e tij në një faqe reklamash.
Ai kontaktoi me një blerës nëpërmjet internetit. U paraqitën dy shqiptarë, të cilëve belgu u ka shitur Toyotën. Nëpërmjet Gjermanisë më pas shkoi në Itali dhe prej andej me anije në qytetin port të Durrësit në Shqipëri. Aty policia ka kryer kontrollin dhe ka gjetur dy qese plastike të fshehura në dyer përmbanin gjithsej 3.4 milionë euro dhe 80 mijë franga zvicerane. Kishte edhe 100 euro para të falsifikuara. Janë arrestuar katër persona: shoferi, pronari i kompanisë së transportit, djali i tij dhe pronari i mjeteve në transport.
Ata të gjithë thanë se nuk dinin asgjë për shumën e madhe të parave, dhe që atëherë janë liruar. Dy mungojnë. Nuk dihet se ku ndodhen tani dy kushërinjtë dhe nëse janë ende në arrati. Nga hetimet e policisë shqiptare u tha se kushërinjtë në Belgjikë apo Gjermani nuk kanë precedentë penalë. Elvis V. (39) u arrestua në Britaninë e Madhe në vitin 2015 së bashku me tre shqiptarë të tjerë gjatë një operacioni ku u sekuestruan më shumë se 10 kilogramë kokainë. 10 anëtarë të bandës u dënuan me gjithsej 50 vjet burg. Vetëm Elvis V. (39) u lirua për mungesë provash. Për rastin e parave, vetëm Elvis V. u dënua përfundimisht për këtë çështje për “mosdeklarim parash në kufi”. Të gjithë të dyshuarit e tjerë u liruan pa dënim të konsiderueshëm. E kështu është marrë në pyetje politikani shqiptar Lulzim Basha. Pak ditë para se të gjendeshin paratë, ai bëri të ditur publikisht se një shumë e madhe parash po shkonte drejt Shqipërisë. Ai akuzoi liderin socialist Taulant Balla se ka garantuar “transferimin e sigurt” të parave të drogës tek një bandë kriminale. Taulant Balla i ka hedhur poshtë gjithmonë këto akuza si shpifje.
