Një 18-vjeçar është mbytur në bregdetin e Bisht Pallës në Durrës.
I riu është futur në det për të shpëtuar dy të rinj të tjerë, nga 15 vjeç, të cilët ishin duke u mbytur, por nuk ka mundur të dalë vetë.
Dy 15-vjeçarët kanë dalë nga ujërat dhe janë jashtë rrezikut për jetën, ndërkohë që i riu tjetër nuk ka mundur të dalë nga uji.
Pas kërkimeve të kryera në mënyrë intensive, është bërë e mundur nxjerrja e trupit të 18-vjeçarit. Viktima është identifikuar si Anri Kashiku.
Njoftimi i policisë:
Durrës/Informacion paraprak
Rreth orës 13:30, në Sektor Rinia, Durrës, shtetasi A. K., rreth 18 vjeç, dyshohet se është futur në det, për të shpëtuar dy fëmijë të mitur, të cilët aktualisht ndodhen nën kujdesin e mjekëve.
Shtetasi A. K. nuk ka mundur të dalë në breg. Në vendngjarje ndodhen shërbimet e Policisë Kufitare, të cilat po kërkojnë në det, për gjetjen e tij.
