Deputeti i Partisë Demokratike Tritan Shehu ka hedhur akuza në Kuvendin për miratimin e rezolutës së Srebrenicës.
Ai tha se votimi ishte absurd pasi u votua pa ditur tekstin final dhe kërkoi që votimi të ripërsëritet.
“Ne votuam në një mënyrë absurde. Votuam amendamentet tekstin final, pa ditur rezultatet e amendamenteve ne u futëm në tekstin final. Është në kundërshtim me rregulloren. Dhe kjo bëhet sepse ju keni implementuar një teknikë votimi në kundërshtim me rregullore, për të fshehur të vërtetë, për të fshehur sio votojnë deputetët kur çdo gjë duhet bërë në kohë reale. Kërkoj të përsëritet votimi në tërësi për rezolutën tashmë që njihen rezultatet e amendamenteve sepse votimi në tërësi bazohet në rezultatin e amendamenteve”, tha ai.
Deputeti i Partisë Socialiste Petro Koçi iu kundërpërgjigj Tritan Shehut pas kërkesës së këtij të fundit për të përsëritej votimi për rezolutën e Srebrenicës. Koçi u shpreh se “nuk ka arsye dhe logjik të hedhim tymuese, për të hedhur baltë mbi procedurat e zhvilluar anë kuvend mbi procesin e votimi”.
“Dua të shprehem kundër njërit prej deputetëve të opozitës, njërit prej tre pjesëve të opozitës që kërkoi të anulohej votimi i rezolutës për gjenocidin në Srebrenicë. Votimi ka qenë plotësisht korrekt dhe nëse ne flasim tek foltorja duhet të jemi dhe logjik. Votimi në tërësi është i vlefshëm. Nuk ka arsye dhe logjik të hedhim tymuese, për të hedhur baltë mbi procedurat e zhvilluar anë kuvend mbi procesin e votimi”, tha ai.
Kërkesa e deputetit demokrat nuk u mor parasysh nga Kuvendi.
