Presidenti Ilir Meta, përmes një postimi në rrjetet sociale, ka shprehur mbështetjen e tij për kërkesat e Avokatëve të Shqipërisë lidhur me hartën e re gjyqësore, ndërsa nxit KLGJ dhe aktorët e tjerë bashkëpunues dhe vendimmarrës të dëgjojnë zërin e tyre.
Meta thekson se Shqipëria ka nevojë jetike për një sistem drejtësie plotësisht të pavarur, funksional dhe efiçent!
Gjithashtu ai shton se qytetarët presin një drejtësi sa më afër tyre, dhe jo një riorganizim të përqendruar që e largon drejtësinë prej tyre duke e bërë jo vetëm më të shtrenjtë dhe të vonuar, por edhe më të pamundur.
Postimi i Presidentit Meta
Mbështes plotësisht kërkesat e drejta të Avokatëve Shqiptarë dhe në mënyrë të përsëritur nxit Këshillin e Lartë Gjyqësor dhe aktorët e tjerë bashkëpunues dhe vendimmarës, të dëgjojnë zërin e tyre dhe këshillat e Parlamentit Europian.
Shqipëria ka nevojë jetike për një sistem drejtësie plotësisht të pavarur, funksional dhe efiçent!
Qytetarët presin një drejtësi sa më afër tyre, dhe jo një riorganizim të përqendruar që e largon drejtësinë prej tyre duke e bërë jo vetëm më të shtrenjtë dhe të vonuar, por edhe më të pamundur.
