Deputeti socialist, Pandeli Majko foli sot në Kuvend për përplasjet brenda institucioneve të drejtësisë në vend.
Duke u ndalur në diskutimin e projektrezolutave të këtyre institucioneve ai u shpreh se Kryeprokurori është në krizë me institucionet e drejtësisë, ndërsa SPAK në luftë të ftohtë me Byronë Kombëtare të Hetimit.
“Sot kjo histori e fëmijërisë sime më kujton familjarizimin e drejtësisë me statuskuonë e korrupsionit dhe pastrimin e parave. Ai është i frikshëm. Kjo statuskuo ka krijua të paprekshëm. Prishja e saj ka qenë qëllimi kryesor i reformës në drejtësisë. Pagat dhe strukturat e reja janë dytësore karshi qëllimit për të ndarë systemin e dretjësisë nga influenca e të mësurit me erën e krimit. Marrëdhënia e prokurorit të Përgjithshëm me strukturën e drejtësisë është në një krizë të pashpallur ndërsa në SPAK marrëdhënia e prokurorisë së posaçme me Byronë Kombëtare të Hetimit ka cilësinë e luftës së ftohtë”, tha Majko.
“Mungesa e koordinimit në organet e akuzës është shqetësuese me fajtorë pa faj. Përfaqësuesit e drejtësisë duhet të mirëkuptojnë se konfuzioni që vjen nga aplikimi i reformës në drejtësi po rrit kontrollin e antiligjit në shoqëri. Në trupën e drejtësisë ka njerëz që nuk duken të interesuar për fuqinë apo lirinë e ofruar nga reforma e drejtësisë. Ata duan të kontrollohen si më parë pasi vlerësojnë më të rëndësishme rehatinë dhe sigurinë”, shtoi ai.
