Deputeti i PD-së, Belind Këlliçi, ka reaguar sërish në lidhje me aferën miliona eurosh të inceneratorëve. Këlliçi i ka bërë thirrje SPAK që të bëjë të plotë hetimin.
Sipas deputetit të PD-së, nëse SPAK i shkon deri në gjysëm hetimit të nisur, në pranga bie direkt Erion Veliaj.
Reagimi i deputetit të PD-së, Belind Këlliçi:
E kam thënë dhe e rithem: Nëse SPAK ka këllqe t’i shkojë deri në gjysëm hetimit të inceneratorëve, në pranga bie direkt Erion Veliaj.
Merita Hajdari ishte emri i rradhës që u përdor nga bosët e inceneratorëve. Një e moshuar që mbijeton duke mbledhur kanoçe e duke punuar në të zezë.
Çdo ditë po publikohen fakte tronditëse që po i heqin maskën këtij pushteti kleptokratik. Skema e inceneratorëve është këmbanë alarmi për “drejtësinë e re”. Është një test për SPAK-un dhe gjithë organet ligjzbatuese.
Përse nuk thirret kryebashkiaku i Tiranës për të dëshmuar? Përse “drejtësia” ndjek dy standarde? Përse inceneratori i Tiranës nuk është konfiskuar akoma? Këto pyetje dhe shumë të tjera presin përgjigje nga organet e sipërpërmendura.
Fakte të reja do të dalin në dritë. Shqipëria ka nevojë për drejtësi reale dhe të barabartë, për ndarje pushtetesh dhe sundim të ligjit.
Zgjohu SPAK!
