Shkolla 9- vjeçare në fshatin “Mizë” në bashkinë Divjakë ndodhet në kushte të mjerueshme. Amortizimi i saj ka bërë që nxënësit të largohem dita – ditës drejt shkollave të fshatrave të tjerë, kryesisht në Divjakë dhe Kryekuq.
Kjo shkollë 60- vjeçare ka nxjerë breza të tërë nxënësish, ndërkohë që gjatë dekadës së fundit është lënë në mëshirë të fatit, duke bërë që prindërit të detyrohen ti largojnë prej këtej.
Ata protestojnë sot tepër të indinjuar duke kërkuar që shkolla të riparohet dhe fëmijët e tyre të mos largohen.
“Duruan, duruan, duruan, tani janë detyruar që të largohen fëmijët, kanë ardhur dhe na kanë premtuar që do të rindërtohet shkolla dhe nuk kanë bërë asgjë. Detyrohemi edhe ne që të largojmë fëmijët. Po përzënë edhe popullin, duan ta shuajnë që ta largojnë nga vendi”, shprehen disa prej banorëve, ndërsa hedhin akuza se kjo bëhet për të shpopulluar zonën.
“Ne nuk po kërkojmë ndonjë luks kushedi”, thotë një tjetër banor, ndërsa shtojnë se ky është shqetësim për të gjithë zonën.
