Barcelona dhe Manchester United kanë arritur marrëveshjen për transferimin e Frenkie de Jong në “Old Trafford”.
E përditshmja spanjolle “AS” shkruan se anglezët kanë ofruar 85 milionë euro për të kënaqur plotësisht kërkesat e Barcelonës, i njëjti çmim që klubi katalanas pagoi në verën e vitit 2019 për ta shkëputur nga Ajaxi i Ten Hag që drejton aktualisht Manchester United.
Sipas “AS”, 75 milionë do të paguhen menjëherë dhe 11 të tjera lidhen me bonuset shumë të arritshme për një mesfushor klasi si De Jong. Marrëveshja është arritur pas një takimi të zhvilluar dje në Barcelonë.
Në pritje për të mesuar fatin final të bisedimeve, Manchester United ndodhet në Tajlandë momentalisht ku Ten Hag dhe skuadra e tij shkatërruan 4-0 Liverpoolin në një ndeshje miqësore.
