Deputetja e PD-së Ina Zhupa ka publikuar dokumentin e Kuvendit që njofton se në seancën plenare të ditës së enjte në datë 14 korrik, deputetët e PS-së do votojnë sërish koncesionin e Butrintit.
‘Shpejtësia për ta bërë fakt paligjshmërinë nuk tregon gjë tjetër vetëm një hall të madh për të gllabëruar zonat e mbrojtura për resorte dhe kthyer Butrintin si qendër tregtare dhe kulturore për këto resorte’, shkruan Zhupa në Facebook.
Postimi i Ina Zhupës:
Asnjë surprizë.
Në orën 12:00 kaluan në komision, në orën 16:00 e fusin në seancën plenare të së enjten si pikën e fundit të rendit të ditës.
Shpejtësia për ta bërë fakt paligjshmërinë nuk tregon gjë tjetër vetëm një hall të madh për të gllabëruar zonat e mbrojtura për resorte dhe kthyer Butrintin si qendër tregtare dhe kulturore për këto resorte.
HISTORIA NUK JEPET ME KONCENSION!
