Aleanca për Mbrojtjen e Butrintit është mbledhur sot para parkut antik. Arkeologë dhe aktivistë të shoqërisë civile kanë bërë thirrje për mbrojtjen e Butrintit, ndërsa e konsiderojnë dhënien e tij me koncesion si një masakër kulturore.
Aulon Kalaja thotë se dekreti i presidentit do të kthehet në Komisionin e Ekonomisë në datën 12 korrik, ndaj ai fton qytetarët në Tiranë të martën në orën 10:00 t’i bashkohen protestës.
Sipas tij nëse merret Butrinti do të bien edhe gjithë monumentet e tjera kulturore. Butrinti prej vitesh mbetet siti arkeologjik me i vizituar në vend, duke gjeneruar të ardhura vjetore rreth 2 milionë euro.
