Milani është në kërkim të një mbrojtësi, pasi Sven Botman zgjodhi që të bashkohet me Njukasëllin. Pas Açerbit, në planet e kuqezinjve është edhe mbrojtësi i Fiorentinës, Nikola Milenkoviç.
Serbi gjithashtu është edhe një nga objektivat kryesor të Interit, me këtë të fundit që ka nisur edhe bisedimet.
Gjithsesi nuk ka asnjë ofertë zyrtare nga të dyja klubet, por lufta për të nuk do të mungojë.
Kjo nuk është hera e parë që Milani kërkon një objektiv të Interit në këtë merkato, pasi kuqezinjtë kanë shfaqur interes edhe për Dibalën e Bremer.
