Përmes një letre të hapur drejtuar qytetarëve të Maqedonisë së Veriut ambasadorja amerikane në Shkup, Kate Marie Byrnes, i bën thirrje vendit që të pranojë propozimin e Francës për zgjidhjen e kontestit me Bullgarinë, gjë që do t’i hapte derë integrimit evropian.
Ambasadorja thotë se “populli dhe institucionet e Maqedonisë së Veriut kanë mbështetjen e fuqishme të SHBA në rrugëtimin drejt BE-së, për marrjen e një vendimi, i cili sado që mund të jetë i rëndë, është i rëndësishëm për të ardhmen e vendit”.
“Pranimi i këtij propozimi do të thotë që më në fund do të keni një vend në tryezën e negociatave të anëtarësimit. Pasi të filloni negociatat, do të keni qasje më të hershme në fondet dhe programet e BE-së – të cilat mund t’i përdorni për të realizuar qëllimet tuaja dhe për të ndërtuar të ardhmen që dëshironi për veten dhe fëmijët tuaj”, shkruan nder te tjera diplomatja amerikane.
Ajo shton më tej se propozimi i ri francez nuk cenon gjuhën dhe identitetin maqedonas dhe thekson se përmbajtja e tij më është me shume teknike. Me herët, edhe presidenti Emanuel Macron, përmes një letre bëri thirrje për mbështetje ndaj propozimit të tij, që, siç tha, nuk është i përkryer, por hapte derën drejt Bashkimit Europian.
