Gjykata e Lartë ka rikthyer për shqyrtim ankimin e Emiljano Shullazit për regjimin 41 bis.
Shullazi u ankua Apel, por kërkesa e tij u refuzua. Gjykata e Lartë argumenton se ka parregullsi në vendimin e Apelit, ndaj çështja duhet të shqyrtohet një tjetër trupë.
Nëpërmjet mbrojtjes, Shullazi është ankuar për shkelje të të drejtave të njeriut pas izolimit në regjimin 41 bis.
Më 12 janar Gjykata e Posaçme Kundër Korrupsionit dhe Krimit të Organizuar la në fuqi vendimin e izolimit në qelitë me mbikëqyrje të thellë, njohur ndryshe edhe si “41 Bis”, për Emiljano Shullazin.
Shullazi u arrestua në nëntor 2015 bashkë me kushëririn Blerim Shullazi, Gilmando Danin, Endrit Qyqjen dhe Endrit Zelën.
Tre vite më vonë, Gjykata e Shkallës së Parë e Krimeve të Rënda i dënoi me 55 vite burg, katërmbëdhjetë vite vetëm për Shullazin. Vendimi u konfirmua dhe në apel.
