Takim madhështor i njerëzve të lirë, e ka cilësuar deputetja Albana Vokshi, protestën e zhvilluar në Tiranë.
Vokshi tha se sot është një ditë e mirë për Shqipërinë dhe shqiptarët dhe një ditë e keqe për Edi Ramën.
“Ne sot nisim një rrugë të re, nuk kthehemi më pas, derisa të largojmë Edi Ramën dhe qeverinë e tij të babëzitur”, tha Vokshi.
Ajo shtoi se babëzia e kësaj qeverie nuk pyet as për pensionistët, as për të rinjtë, as për gratë e vajzat.
“Këta nuk do të ndalen së grabituri pronat dhe pasuritë tona, Edi Rama ka instaluar një regjim kundër njerëzve të zakonshëm. Ky është një regjim kundër njerëzve që duan të jetojnë me dinjitet. Ka vetëm një mënyrë për ta ndalur Edi Ramën: protestat”, tha Vokshi.
Ajo tha se ne duhet të mbajmë një premtim: askush nuk do të gëzojë paratë dhe pasuritë e vjedhura të shqiptarëve, do të përballen me drejtësinë.