Diplomati Agim Nesho i cili mori pjesë në protestën e thirrur nga kreu i PD Sali Berisha, deklaroi në emisionin ‘Çim Peka Live’ në Syri Tv se qeveria ka rënë dhe tubimi ishte madhështor.
“Protesta madhështore. Ka një moment të madh kthese, ka lindur shpresa.Korrupsioni ka kapur prej fyti vendin. Njerëzit janë të pakënaqur.
Duhet të përshëndesim qytetarinë e këtij populli. Është e papranueshme të vjedhësh pa kufi, një qeveri e tillë nuk është parë me herët.”-deklaroi Nesho.
Kryetari i PD Sali Berisha, deputetë dhe aktivistë të shoqërisë civile dhanë mesazhe të qarta këtë mbrëmje në protestën para kryeministrisë se nuk do të ndalen deri sa të rrëzojnë qeverinë e Edi Ramës.
