Makinë ujëhedhëse brennda rrethimit të Kryeministrisë, por edhe policë të pajisur me maskat anti-gaz, janë masat shtesë të ndërmarra nga Policia e Shtetit, ndërsa pritet që të nisë protesta e thirrur nga Partia Demokratike dhe shoqëria civile.
Një pjesë e protestuesve tashmë kanë mbërritur para godinës së Kryeministrisë, ndërsa të tjerë janë mbledhur te selia e PD dhe në sheshin Skënderbej.
Kreu demokrat Sali Berisha u prit me ovacionet e militantëve demokratë, teksa hynte në selinë e PD, nga ku pritet të niset në këmbë bashkë me mbështetësit e kësaj partie drejt Kreministrisë.
