Prokuroria e Lezhës ka ankimuar vendimin e gjykatës që dënoi me shërbim prove duke shpëtuar nga burgu, shkaktarin e aksidentit të ndodhur në muajin maj të vitit 2021, ku humbi jeten infermierja Marjeta Gjergji dhe u plagosen 4 pjestarë të familjes së saj, mes të cileve dhe fëmija 2 vjeç.
Ankimimi është bërë nga prokurori i çështjes Françesk Ganaj, i cili nuk është pajtuar me vendimin e dhënë nga gjyqtari Artan Hajredinaj i cili e dënoi shtetasin E.M me 6 vite burg për vepren penale “Shkelja e rregullave të qarkullimit rrugor”, por duke qenë se përfitoj nga gjykimi i shkurtuar ju ul 1\3 e dënimit, ndërsa e zbuti edhe më tej, duke përdorur si argument nenin 59 të kodit penal dhe pezulluar denimin me burg.
Referuar dosjes hetimore, rezulton se organi i akuzes kishte arritur të provojë se shkak i këtij aksidenti ishte bërë parakalimi i gabuar i automjet tip “Benz” dhe në konkluzionet përfundimtare u kërkua dënimi me 11 vite vite burg i drejtuesit të mjetit, që i mori jeten infermieres Marjeta Gjergji si dhe mbeten të plagosur 4 pjestaret e familjes së saj që po udhetonin me automjetin tip “Ford” në drejtim të Lezhës.Aksidenti tragjik u regjistrua mesditen e 7 majit të vitit 2021, në superstraden Lezhë-Shkodër, pranë vendit të quajtur kryqëzimi i Kakarriqit. /Faxnews/
