Kreu i PD-së, Sali Berisha ka reaguar lidhur me dy pensionistët që janë përfshirë në skemën e evazionit fiskal me kompanitë e incineratorëve.
Berisha shkruan se mafia Rama-Veliaj, vodhi 60 milionë euro para të taksapaguesve që gjoja do të përdoreshin për ndërtimin e djegësit të Tiranës.
Ai shton se nga kjo shumë vendosi 30 milionë euro në bankë në emër të pensionistes 89 vjeçare Haxhire Gurakuqi, e cila prej dy vjetësh ndodhet në azil dhe nuk ishte marrë kurrë me biznes.
“E pashembullt! Mafia Rama-Veliaj, vodhi 60 milionë euro para të taksapaguesve që gjoja do të përdoreshin për ndërtimin e djegësit të Tiranës. Nga kjo shumë vendosi 30 milionë euro në bankë në emër të pensionistes 89 vjeçare Haxhire Gurakuqi, e cila prej dy vjetësh ndodhet në azil dhe nuk ishte marrë kurrë me biznes. Sapo sigurimet shoqërore u njoftuan për milionat e saj, Haxhires papritmas i ndërpritet pensioni”, shkruan Berisha në një postim në rrjetet sociale.
