Njerëzit në Gjermani duhet të qëndrojnë së bashku për të përballuar sfidën historike të rritjes së kostove të jetesës të shkaktuar nga agresioni rus ndaj Ukrainës.
Kështu u shpreh kancelari gjerman, Olaf Scholz këtë të hënë, pas takimit me drejtuesit e sindikatave dhe shoqatave të punëdhënësve, shkruan CNN.
“Kriza aktuale nuk do të kalojë brenda disa muajsh. Ne duhet të jemi të përgatitur që kjo situatë të mos ndryshojë në të ardhmen”, u tha Scholz gazetarëve.
Sipas tij, lufta midis Rusisë dhe Ukrainës ka ndryshuar gjithçka dhe në të njëjtën kohë zinxhirët e furnizimit janë ende të ndërprerë pasi pandemia dhe pasiguria e përgjithshme po rritet.
Kancelari shtoi se qeveria gjermane do të shpenzojë 30 miliardë euro për të ndihmuar familjet që të përballojnë kostot e rritura.
