Gazeta më e madhe gjermane “Bild” shkarkon gazetaren korrespodente nga kampi i Bayern Munich e cila ka nisur një histori dashurie me trajnerin Julian Nagelsmann, i cili i ka dhënë fund historisë 15-vjeçare me bashkëshorten.
Pasi zbuluan se Lena Wurzenberger shoqërohej me teknikun e bavarezëve, drejtuesit e gazetës nuk u menduan du herë duke i treguar derën gazetares. Nuk ka ende prova por televizioni “Sport1” pretendon se zotëron një foto me çiftin e ri duke pushuar në Ibiza.
30-vjeçarja raportoi dy vitet e fundit pranë Bayernit pasi u zhvendos nga Bremeni ndërsa historia mes të dyve ka nisur disa muaj më parë. Nagelsmann 5 vite më i madh ka dy fëmijë me bashkëshorten Verena.
