Kreu demokrat Sali Berisha, u shpreh mbrëmjen e sotme në Opinion, se një kryeministër nëse nuk do të lëshojë pushtetin, është shume e vështirë që ta mundësh me zgjedhje.
Berisha tha se Kryeministri mund të angazhojë shtetin në fushatë dhe ju them unë që nuk mund t´a mundësh në zgjedhje të lira dhe të ndershme.
I pyetur se çfarë do të ndodhë më 7 korrik, Berisha tha se një pjesë e madhe e popullit do të jetë në rrugë. Berisha tha se beteja kur të thërret do i pvrgjigjesh, nuk mund të shtyhen betejat për në shtator.
“Nuk ka asnjë demokrat që ndjek Ramën, atë e ndjek Alibeaj e Basha”, tha Berisha.
Ai tha se këshillonte Alibeajn dhe Bashën që të mos shkonin në protestë, pasi demokratët i shikojnë si zjarrfikës.
Berisha tha se demokratët janë të bashkuar më shumë se kurrë, me përjashtim të 2-3 personave që nuk kam çfarë t´i bëj atyre.
Kreu demokrat tha se vendimi për zhvillimin e protestës u morr nga Kryesia e PD, por edhe më gjerë se kaq, bashkv me shoqërinë civile.
Ai tha se përballë këtij regjimi autokratik të Edi Ramës, duhet një front, që do të shpëtojë Shqipërinë nga ky regjim.
“Kjo protestë është thirrur bazuar në një opozitë të vërtetë, bazuar në të gjitha sondazhet dhe perceptimet se 70 % e shqiptarëve duan ndryshimin, bazuar në rrokullisjen e madhe që po pëson Shqipëria në çdo aspekt”, tha Berisha.
