Presidenti i Ukrainës Volodymyr Zelensky iu drejtua Këshillit të Sigurimit të OKB-së të martën, një ditë pas një sulmi vdekjeprurës në një qendër tregtare në Ukrainën qendrore, duke kërkuar që Rusia të përjashtohet si një anëtare e përhershme e grupit, sipas CNN.
Zelensky e hapi fjalimin duke thënë se ndërsa OKB-ja nuk kishte ende një përkufizim ligjor të termit “shtet terrorist” të rënë dakord nga të gjithë anëtarët e OKB-së, se lufta e Rusisë kundër Ukrainës “demonstron jo vetëm kuptimin e konceptit, por edhe domosdoshmërinë për ta sanksionuar atë ligjërisht në nivelin e Kombeve të Bashkuara dhe për të ndëshkuar çdo shtet terrorist”, tha ai.
Ai më pas tregoi një listë të sulmeve ndaj Ukrainës që nga e shtuna e kaluar, duke përfshirë sulmin në një ndërtesë banimi në Kiev, një raketë në oborrin e një kopshti të dielën dhe një sulm me raketa në një qendër tregtare në Kremenchuk në Ukrainën qendrore, tha presidenti.
“Ata që kryen sulmin nuk mund të mos e dinin se ishte në një qendër tregtare”, shtoi Zelensky.
Zelensky vazhdoi me një listë të sulmeve shtesë në Ukrainë këtë javë, dhe emëroi viktimat, duke përfshirë fëmijë, të moshuar dhe gra. “Unë dua që ju të dëgjoni emrat,” tha ai. Presidenti ukrainas më pas i bëri thirrje Këshillit të Siguritmit të OKB-së që të përjashtonte Rusinë nga ai organ.
