GJKKO ka vendosur të shpallë vendimin më 13 korrik për ish kryebashkiakun Fatos Tushe dhe 21 të hetuarit në Bashkinë Lushnje ndërsa ditën e sotme është mbajtur seanca ku mbrojtja ka paraqitur argumentat.
Fatos Tushe u arrestua më 6 korrik të 2021-shit së bashku me 21 të pandehur të tjerë, të cilët akuzohen se abuzuan me tenderin 24 milionë lekë për kanalin vaditës në fshatrat Bishqethëm dhe Bitaj, duke favorizuar që të fitonte firmën EuroAlb shpk që kishte sjellë ofertën më të lartë.
Punimet, fitimet dhe punën, sipas hetimeve, kjo firmë i ndau me një kompani tjetër të biznesmenit Ibrahim Lami, mik me Tushen dhe me lidhje familjare me biznesmenin që fitoi tenderin, Bujar Muratin.
Në pretencë, SPAK kërkoi 3.4 vite burg për Tushen me gjykim të shkurtuar. Ndërkohë për ish-nën kryetarin Gentian Nushin Prokuroria e Posaçme kërkoi 2 vite e 8 muaj.
