Ish-zëvendësministri i Ekonomisë dhe Financave, Florion Mima, në një lidhje me “Skype” me “Radarin Informativ” në Abc, foli për nismën e fundit të qeverisë atë të “Amnistisë Fiskale”, që lejon depozitimin e parave deri në shumën e dy milionë lekëve.
Mima tha se kjo është një nismë e rrezikshme dhe nuk i shërben aspak ekonomisë së vendit dhe qytetarëve shqiptarë, por i shërben krimit të organizuar.
Pjesë nga diskutimi:
Dhoma Amerikane e Tregtisë duket shumë e shqetësuar, për çmimet e referencës në dogane, sa shqetësuese janë?
Mima: Sinqerisht më vjen mirë se Dhoma Amerikane pavarësisht se është ideuar dhe e ka fushëveprimin për bizneset që kanë një lidhje me SHBA por më vjen mirë që është avangard të mendimit ekonomik, por dhe të lançimit të të gjitha nismave që kërkojnë ta sjellin Shqipërinë në nivel të alrtë, por edhe dhoma të tjera kanë treguar se kanë ecur shumë më shpejt se partnerët e tyre në zyrat e shtetit. Unë e quaj një lajm të mirë kur organizma të tilla sugjerojnë nisma dhe nuk lënë qeveritë që të gabojnë. Në lidhje me shqetësimit e dhomës Amerikane për amnistinë, ndaj të njëjtin mëndin, por mund të shtoj që një test me dy faktorë bëhet përgjigj thesit nëse amnistia është në përputhje me nivelet botërore.
Amnistia fiskale nuk është një gjë e re, pritet që të kaolojë javën tjetër në parlament, nuk ka asnjë reagim nga institucionet ndërkombëtare?
Mima: Të paktën që një amnisti të kalojë testin në letër të jetë afati kohor, ato duhet të bëhen shumë rrallë, në mënyrë që askush mos përfitojë. Ne e kemi miratuar amnistinë e plotë në 2011-të nuk pati sukses, ndërkohë tani tentohet të sillet një tjetër amnisti e plotë.
Pse ngutet qeveria për ta bërë këtë lloj amnistie?
Mima: Koha është zgjedhur me dinakëri nga qeveria, pasi vjen fiks në njëjtën ditë pas “Jo-së” së BE-së. FMN ka qenë oponenti më i rreptë i kësaj amnistie.
Shqetësuese është legalizimi i parave të krimit? Ka instrumenta bllokues?
Mima: Në këtë draft nuk ka. Por nëse ju kujtohet justifikimi ishte se e lançoj këtë amnisti për mijëra emigrantë që kanë fituar para dhe nuk i sjellin dot. Si nuk i sjellin dot? Nëse ata emigrantë kanë punuar në të zezë dhe i kanë marrë në dorë, do të thotë se ai nuk ka paguar taksat. Por edhe paratë e krimit mund të hyjnë me shumicë dhe të ligjërohen në Shqipëri.
