Një shtetas 67 vjeç është gjetur pa shenja jete në vendin e quajtur “Vija e Ngjalës” në Fier. Sipas policisë, dyshohet se viktima mund të jetë rrëzuar aksidentalisht, ndërsa nuk ka shenja dhune.
Njoftimi i policisë Fier:
Sot rreth orës 17:00, në lagjen “Sheq i Madh”, Fier, në vendin e quajtur “Vija e ngjalës”, është gjetur pa shenja jete dhe pa shenja dhune, shtetasi H. H., 67 vjeç, banues në Fier.
Nga verifikimet paraprake, dyshohet se mund të jetë rrëzuar aksidentalisht.
Grupi hetimor po punon për zbardhjen e rrethanave të ngjarjes.
