Një qytetar në Gjirokastër është shpallur në kërkim pasi dyshohet të ketë ushtruar dhunë ndaj kunatës së tij.
Denoncimin për ngjarjen e ka bërë vetë shtetasja SH.Xh., pas një konflikti të zhvilluar për motive të dobëta.
Prokuroria ka nisur hetimin për ngjarjen.
Njoftimi i plotë:
Specialistët e Seksionit për Hetimin e Krimeve në Komisariatin e Policisë Tepelenë referuan materialet në Prokurorinë pranë Gjykatës së Shkallës së Parë Gjirokastër, për veprën penale “Dhuna në familje”, dhe shpallën në kërkim shtetasin F. Xh., banues në fshatin Përparim, Memaliaj, pasi ka bërë kallëzim kunata e tij, shtetasja Sh. Xh., se pas një konflikti për motive të dobëta, shtetasi F. Xh. ka ushtruar dhunë fizike dhe psikologjike ndaj saj.
