Një i ri shqiptar, dyshohet si autori i vrasjes së një shtetasi turk në Gjermani. Ngjarja ka ndodhur mbrëmjen e së hënës në Kiel.
Sipas mediave gjermane, i identifikuari si Fisnik Hoxha dyshohet ka qëlluar disa herë mbi një 31-vjeçar në rrugën Gustav-Schatz-Hof.
Ai vdiq në spital pavarësisht përpjekjeve të menjëhershme për reanimim.
Sipas hetimeve të mëparshme nga prokuroria publike dhe policia kriminale e Kielit, 23-vjeçari Fisnik Hoxha është i dyshuar.
Prokuroria publike në Kiel ka ofruar një shpërblim prej 3000 eurosh për informacione që çojnë në arrestimin e autorit.
Kushdo që e sheh të dyshuarin Fisnik Hoxha të lajmërojë menjëherë policinë në 110.
Autori mund të jetë i armatosur
Policia ju bën thirrje qytetarëve që të mos flasin me të dyshuarin nëse e shohin. Hoxha mund të jetë i armatosur. Po ashtu, në bazë të rezultateve të hetimeve të deritanishme, sipas policisë dhe prokurorit publik nuk ka rrezik për publikun.
