Qesharake dhe të dënueshme i cilësoi kreu i PD, Sali Berisha deklaratat e një dite më parë të Ministrit të Mbrojtjes Niko Peleshi, se është e panevojshme blerja e një avioni për shuarjen e flakëve.
Sipas Berishës, dyshja Rama-Peleshi shpenzon miliona euro për klientët e qeverisë me tendera sekret, por nuk kanë para për t’u përgjigjur emergjencave mjedisore. Berisha tha se Peleshi po bën avokatin e abuzimeve të Ramës, në vend të sigurisë së qytetarëve.
Pas deklaratave të Ministrit të Mbrojtjes, Niko Peleshi për zjarret e shpeshta që kanë përfshirë vendin, reagoi dhe kreu i PD, Sali Berisha.
Në një postim në profilin zyrtar, Berisha shprehet se këto deklarata pasqyrojnë qëllimin e vetëm të qeverisë, luksi i pushtetarëve dhe vjedhja e pasurive publike. Sipas kryedemokratit, dyshja Rama-Peleshi, shpërdorojne miliona euro për klientët pranë qeverisë përmes tenderave sekretë dhe lënë Shqipërinë pa një avion 50 milionë euro për shuarjen e zjarreve, gjatë emergjencave natyrore.
“Sipas Niko Peleshit, një vend i vogël nuk mund të ketë një avion për shuarjen e zjarreve, ndërkohë që mban një avion në dispozicion të kryeministrit që shpenzon mesatarisht 200.000 € në udhëtim në vend të 2000€ me linjat ajrore të udhëtarëve. Niko dhe shefi i tij Edi Rama e shohin më të nevojshme udhëtime e Ramës me avion në dispozicion ose tua japin 50 milionë eurot miqve të tyre nëpërmjet tenderave sekrete apo me negociata mafioze të mbyllura të cilat nuk u kanë sjellë asnjë përfitim shqiptarëve përveçse kanë fryrë kontot e qeveritarëve dhe klientelës së tyre dhe kanë zbrazur çdo ditë xhepat e qytetarëve”.
Berisha thekson se deklaratat e Peleshit një ditë më parë në Komisionin e Sigurisë, janë qesharake dhë të dënueshme, pasi sipas tij Ministri i Mbrojtjes duhet të jetë garantuesi kryesor i sigurisë së shqiptarëve dhe jo avokat i abuzimeve dhe vjedhjeve të Edi Ramës.
