Ministri i Mbrojtjes Niko Peleshi është thirrur ditën e sotme nga opozita në Komisionin e Sigurisë për të raportuar rreth situatës së zjarreve në vend.
Në fokus të bisedimeve ka qenë zjarri që përfshiu ishullin e Sazanit për katër ditë.
Gjatë diskutimeve, deputeti demokrat Ferdinant Xhaferraj ka kërkuar që ministri të paraqesë kapacitetet e vendit për shuarjen e zjarrit.
Peleshi u përgjigj se nëse opozita pretendon se s’do ketë asnjë zjarr, s’do të ketë asnjë të keqe. Por, deputeti Xhaferraj ia ktheu ministrit se thjesht po kërkohet që vendi të ketë në gjendje mjete fluturuese për shuarjen e flakëve.
Peleshi: Nëse pretendohet se s’duhet të ketë asnjë zjarr.
Xhaferraj: Ne pretendojmë të kemi një helikopter në punë.
Peleshi: Ju kërkoj ndjesë nëse tingëlloi ironike, nuk e kisha ironike. Nëse pretendohet se s’duhet të ketë asnjë zjarr, s’ka asgjë të keqe. Nuk e kisha për ironi. Kemi patur një zjarr serioz në Sazan dhe Xhaferraj e bën sikur është bërë nami.
Po të shohim hartën e zjarreve të vitit të kaluar, harta është e gjitha e kuqe. Fatkeqësisht do kemi, uroj që jo, kemi një verë të nxehtë para, do kemi shumë zjarre. Duhet pretenduar, s sidomos nga opozita që thotë ca më duhet mua si është temperatura, merrni masa, kam të drejtë të ngre zërin edhe unë këtë do bëjë nëse do isha në opozitë.
Çështja e përballjes së emergjencave të zjarrte nuk mund të jetë një çështje që zgjidhet vetëm me kapacitet ajrore. Një apel të gjithë, e pamundur që në ti bëjmë dot ballë zjarreve në të gjithë Shqipërinë, dhe sikur të kishim buxhetin e Greqisë apo Turqisë.
Ca na duhet të, kemi përgjegjësinë për të koordinuar sistemin e emergjencave, nuk kemi kapacitet tona për të përballur emergjencën. Reagimi i parë duhet të jetë nga zjarrfikësit, duhet të reagojë lagja komunitet, pastaj bashkia pastaj kur shterojnë kapacitet e tyre futet mbrojtja.
Në Karaburun që kemi pasur vatrën më serioze vitin e kaluar, ushtarët tanë bënin katër pesë orë rrugë në këmbë, ca mund të merrnin më shumë me vete se një lopatë xheniere.
Zjarrit të Sazanit, ka patur reagim serioz, ka ndërhyrë një anije e forcë detare, kemi çuar 22 trupa në fillim, janë aktivizuar 280 trupa, edhe tokësore edhe detare, shtuar edhe ndihmës që na erdhi nga Greqia.
Jemi vend i vogël, s’ia vlen të investojmë për të patur avionët tanë, kushton 50 mln euro, nëse i kemi nuk jemi në atë fazë që të investojmë 50 mln euro për ta përdorur një muaj shtuar pastaj kostot e mirëmbajtjes që janë shumë të madha, s’ka kompani që bëjnë mirëmbajtjen, tregu është shumë i vogël.
Ca na ndodh, ne mirëmbajmë flotën tonë ajrore me kontraktim jashtë vendit, kostot tona janë edhe më të mëdha sa një shteti tjetër si Italia, duhet ta çojmë mjetin jashtë, problemet e mirëmbajtje si kanë edhe shtete më të mëdha si ne. Të investojmë qindra miliona euro për të patur një flotë avionësh është ekonomikisht e pamundur.
Lajmi i mirë është që nuk përballemi vetëm ne me emergjenca. Të gjithë vendet kanë, kemi bashkëpunim të ngushtë me agjencinë e mbrojtjes civile me Turqinë, Greqinë, Italinë, Kroacisë. Kemi katër helikopterë, një e kemi në dispozicion të shuarjes së zjarreve.
Ka një problem me një helikopter në Itali, që prej 2020 që ka bërë një ulje të detyruar në Itali, një kontratë me një kompani franceze që bëri mirëmbajtjen nuk arriti ta sjellë në Shqipëri, kemi një çështje shumë të komplikuat, nëse do kontribuoni me dy cougar të tjerë janë në një procedurë normale të mirëmbajtjes.”
