Tre shqiptarë janë përfshirë në një konflikt me thika, ndërsa njëri prej tyre për shkak të plagëve ka përfunduar në spital.
Ngjarja ka ndodhur në Venecia dhe dyshimet e para lidhur me konfliktin mes shqiptarëve është prishja e pazareve të drogës.
Siç bëjnë të ditur mediat italiane, dy shqiptarë kishin sulmuar një të tretë.
Sherri mes tre shqiptarëve ka ndodhur në një vend publik në Venecia, ku kishte dhjetëra persona, italianë dhe turistë të huaj.
Kur kanë parë atë që po ndodhte shumica prej tyre janë larguar me vrap.
Gjatë sherrit, njëri prej tyre është plagosur me thikë, ndërsa dy agresorët janë larguar me vrap. Policia e ka gjetur shqiptarin e plagosur në kanalin e ujit dhe e ka dërguar në spital, ku ndodhet jashtë rrezikut për jetën.
Kanë nisur kërkimet për ndalimin e dy shqiptarëve që u larguan.
