Ndërkohë që në Premier Ligë merkatoja në lidhje me Armando Brojën po “zien”, është Serxho Porrini që vazhdon t’i sugjerojë Napolit sulmuesin.
Ndihmësi i Edi Rejës ka folur për “1 Football Club” në lidhje me të ardhmen e Brojës. “Ai është një futbollist me një perspektivë të madhe, edhe pse nuk i ka të njëjtat karakteristika si Osimhen.
Broja mbase nuk do të ishte zëvendësuesi ideal i nigerianit por ai nuk është një sulmues statik, por i lëvizjes, ka cilësi vërtet të çmendura. Do t’i bënte vërtet mirë kalimi te Napoli, ndoshta edhe duke formuar një dyshe në sulm bashkë me Osimhen”, është shprehur ndihmës trajneri i Shqipërisë.
