Një i mitur ka humbur jetën pas një aksidenti të ndodhur në periferi të Fierit.
Viktima është një 15-vjeçar, i cili është përplasur nga një makinë teksa lëvizte me biçikletë.
Aksidenti ndodhi rreth orës 22:00 të së Enjtes. “Në aksin rrugor Hamil-Dërmënas, duke drejtuar automjetin tip ‘Audi’, E.B., 29 vjeç, banues në Dërmënas, ka përplasur shtetasin e mitur 15 vjeç, banues në Hamil, i cili po udhëtonte me biçikletë, dhe është larguar nga vendngjarja”, njoftoi policia.
I mituri ka ndërruar jetë rreth orës 02:00 në spitalin e Fierit.
Ndërkohë, shoferi i “Audit” u arrestua dhe akuzohet për veprat penale “Shkelja e rregullave të qarkullimit rrugor” dhe “Largim nga vendi i aksidentit”.
