Gjykata e Lartë e SHBA-së rrëzoi sot duke e quajtur si antikushtetues një ligj të shtetit të Nju Jorkut për pronësinë e armëve, ndërsa mbështeti të drejtën e amerikanëve për të lëvizur të armatosur nga shtëpitë e tyre.
Vendimi vjen një muaj pas masakrës në një shkollë të Teksasit, ku më 24 maj, 18-vjeçari Salvador Ramos hapi zjarr dhe vrau 19 fëmijë dhe dy mësues.
Vendimi, i marrë me 6 vota kundër 3, vjen në një kohë kur Shtetet e Bashkuara janë ende në grahmat e sulmeve të përgjakshme.
Gjykata e Lartë vendosi se ligji që kishte qenë në fuqi që nga viti 1913 ishte antikushtetues dhe ndalonte këdo që të qarkullonte në publik me një armë të fshehur. Sipas gjyqtarëve, ligji cenon të drejtën amerikane për të mbajtur armë, siç përcaktohet nga Amendamenti i Dytë i Kushtetutës.
Gjashtë gjyqtarë konservatorë votuan pro vendimit, ndërsa tre gjyqtarë progresistë votuan pro.
Vendimi rrëzon atë të një gjykate më të ulët të apeluar nga dy pronarë armësh dhe dega e Unionit Kombëtar të Armëve (NRA) në Nju Jork, një lob i fuqishëm me lidhje me Partinë Republikane.
