“Edi Rama dhe Erion Veliaj janë dyshja më e fuqishme ekonomike dhe me lidhjet kriminale”, u shpreh Monika Kryemadhi, kryetare e LSI, në emisionin “Të Paekspozuarit”.
Kryemadhi tha se çështja e inceneratorëve është “thembra e akilit” që nxjerr zbuluar Edi Ramën dhe Erion Veliajn.
“E them me bindje të plotë se kjo çështje është prova e SPAK, pasi ne si LSI kemi depozituar dosjet e plota. Evazioni fiskal për inceneratorët është 170 mln euro, por Rama nuk flet për këtë, por kërcënon se do merret me shqiptarët, për ata pagat 300 mijë lekë të vjetra”, tha Kryemadhi.
Ajo tha se lidhjet me krimin nuk i mban as Elva Margariti as Delina Ibrahimaj, pasi ato bëjnë çfarë u thotë Edi Rama.
