Kryetarja e LSI, Monika Kryemadhi, u shpreh mbrëmjen e sotme në emisionin “Të Paekspozuarit” se evazioni fiskal nga Stela Gugullja, partnerja e Mirel Mërtirit, dhe Klodian Zoto, është 170 mln euro.
Kryemadhi tha se ka dokumente shtesë lidhur me aferën e inceneratorëve, të cilën do e bëjë publike javën e ardhshme, dhe më pas do e dorëzojë në SPAK.
“Janë 170 mln euro evazion fiskal vetëm me inceneratorët”, tha Kryemadhi.
Në vijim ajo theksoi se gjithashtu është dosja e AZHBR-së, e cila po hetohet edhe nga prokurorët e Brukselit, pasi janë fondet e BE-së që janë shpërdoruar.
“A mund të më thoni mua se ç´lidhje kanë specat e domatet me inceneratorët? Janë paratë e projekteve të BE për bujqësinë që kanë shkuar te inceneratorët”, tha Kryemadhi.
Ajo tha se do të jetë prokuroria e Brukselit që do të nxjerrë konkluzionet nëse në këtë aferë ka të përfshirë edhe ndërkombëtarë ose jo.
“Inceneratorët janë ata që paguajnë televizione, diarrenë e Erion Veliajt.
Inceneratori është pika më e dobët që i ka shpëtuar Edi Ramës nga duart dhe është e vetmja pikë që kap dhe zbarthen të gjithë strukturën e krimit të organizuar, të drogës, të trafikut të armëve, të trafikut të njerëzve dhe ju akoma nuk e kuptoni. Pse svarritet inceneratori Tiranës? U arrestua Alqi Bllako, po kryetari bashkisë së Fierit.
Alqi Bllako kishte vënë një firmë kryetari i Bashkisë së Fierit ka paguar 460 milionë lekë. E ke me vendim të SPAK-ut. Klodian zoto është në kërkim, pse vazhdon qeveria shqiptare të paguajë në llogaritë e Klodian Zotos? Cdo ditë i paguan nga 80 mijë euro. Dhe ato para përdoren për të bërë shkrime kundër Monika Kryemadhit dhe Ilir Metës”, tha ajo.
